Heim

Details
Category: Fréttir
Hits: 40

Eins og kom fram í fyrri tilkynningu frá félaginu (skak.is og facebook síðu félagsins)  er auka aðalfundur boðaður vegna sameiningar TG og Hugins undir nafni Hugins. 

Fundurinn verður haldinn í Íþróttamiðstöðinni á Álftanesi mánudaginn 13. september kl. 20. 2 hæð. 

 

Skákfélögin TG og Huginn sameinast

Taflfélag Garðabæjar og Taflfélagið Huginn hafa ákveðið að sameinast undir nafni Taflfélags Garðabæjar og nýju merki þess félags. Samruninn hefur þegar verið samþykktur á aðalfundum hvors félags um sig, en aukaaðalfundur verður fljótlega þar sem ný stjórn verður kosin.

Samruninn mun verða með þeim hætti að félagsmenn Hugins munu færast sjálfkrafa í keppendaskrá sem félagsmenn Taflfélags Garðabæjar. Félagið verður eftir samrunann eitt öflugasta taflfélag landsins og mun senda margar sveitir til leiks á Íslandsmóti skákfélaga, auk þess að standa fyrir mótahaldi, þjálfun barna og öðrum viðburðum.  

Áhersla verður lögð á markvisst barna- og unglingastarf á skemmtilegum nótum ásamt því að móta öfluga og líflega umgjörð um skákiðkun fullorðinna, jafnt afreks- sem áhugamanna. Félagið mun leggja sig fram um að laða til leiks lítt virka skákunnendur af báðum kynjum og skapa þeim aðstöðu til að njóta þess að tefla saman í góðum hópi.

Stjórnir beggja félaga hafa trú á því að sameiningin muni koma félagsmönnum þeirra til góða  og að með þessu skapist sóknarfæri til að vinna að metnaðarfullum markmiðum tómstundastarfs með atfylgi öflugs bæjarfélags.


 

 

 

Details
Category: Fréttir
Hits: 143
Stjórn Taflfélags Garðabæjar boðar hér með til aðalfundar.
Fundurinn verður haldinn mánudaginn 21. júní í Betrunarhúsin á Garðatorgi kl. 19:30.
Dagskrá: Venjuleg aðalfundarstörf og möguleg sameining Taflfélags Garðabæjar og Skákfélagsins Hugins undir nafni Taflfélags Garðabæjar.

Details
Category: Skákmót
Hits: 240

Íslandsmót kvenna í skák hófst í kvöld í Sveinatungu við Garðatorg 7 í Garðabæ.  Átta af tólf stigahæstu skákkonum landsins taka þátt. Áslaug Hulda Jónsdóttir, formaður bæjarráðs Garðabæjar setti mótið og lék fyrsta leikinn í sigurskák Lisseth Acevedo Mendez gegn Hrund Hauksdóttur.  

Ásgerður leikur fyrsta leikinn

Mótið fer fram 27. febrúar – 3. mars og er teflt í tveim flokkum. Annars vegar í landsliðsflokki kvenna. Þar eiga keppnisrétt allar skákkonur með 1600 skákstig eða meira. Sigurvegarinn hlýtur sæmdarheitið Íslandsmeistari kvenna árið 2020. Hins vegar í áskorendaflokki kvenna. Hann er opinn fyrir allar skákkonur sem ekki ná 1600 skákstigum.

Keppendalistinn:
1.WGM Lenka Ptácníková (2099)
2.WFM Guðlaug Þorsteinsdóttir (2021)
3.Jóhanna Björg Jóhanndóttir (1933)
4.WIM Lisseth Acevedo Mendez (1849)
5.Tinna Kristín Finnbogadóttir (1838)
6.Hrund Hauksdóttir (1804)
7.Sigurlaug R. Friðþjófsdóttir (1690)
8.Sigríður Björg Helgadóttir (1682)

Mótið er haldið sameiginlega af Skáksambandi Íslands og Taflfélagi Garðabæjar sem fagnar 40 ára afmæli í ár. Beinar útsendingar verða frá landsliðsflokki.

Sjá nánar um mótið hér á vef Skáksambands Íslands. 

Vefsíða mótsins - þar má sjá nánari tímasetningar á umferðum mótsins. 

Details
Category: Óflokkað
Hits: 274
Davíð Kjartansson kom sá og sigraði í Skákþingi Garðabæjar sem lauk 1. nóvember. Davíð leyfði eitt jafntefli og hlaut sex og hálfan vinning. Í öðru sæti varð Jóhanna Bjög Jóhannsdóttir með fimm vinninga og á hæla hennar komu Gauti Páll Jónsson og Aron Þór Mai með fjóran og hálfan vinning. Efstur heimamanna varð Páll Sigurðsson.
Hraðsákmótið var svo haldið 4. nóvember, og þar gerði Davíð Kjartansson sér lítið fyrir og sigraði með fullu húsi, eða átta vinningum. Í öðru sæti varð Jóhann H. Ragnarsson með fimm og hálfan vinning. Í þriðja til fimmta sæti urðu svo Pálmi Ragnar Pétursson, Dorin Tamasan og Aron Þór Mai með fimm vinninga hver.
  • You are here:  
  • Home