Alls taka amk. 22 skákmenn þátt í A flokki skákþingsins sem er fín þátttaka. 

Í fyrstu umferð gekk flest á afturfótunum fyrir heimamenn eiginlega en þó vann Jóhann Helgi góðan sigur. Hins vegar lágu bæði Guðlaug og Páll fyrir bræðrunum úr Kópavogi sem eru á mikilli uppleið um þessar mundir og má segja að mikil þrautsegja einkenni þá því Bárður var kominn í tímahrak gegn Páli, sem lék af sér þrátt fyrir að andstæðingurinn væri í hrakinu. Sama byrjun kom upp í báðum skákunum-ítalskur leikur. 

Fleiri óvænt úrslit litu samt dagsins ljós Sindri Guðjóns tapaði fyrir Jóni Eggert Hallsyni, Estaislau vann Friðgeir Hólm og auk þess náði náðu þeir Ingvar Egill og Sveinn Gauti jafntefli gegn sterkari andstæðingum. Sveinn Gauti gegn núverandi meistara Garðabæjar. Þá náði Alec Sigurðarson jafntefli gegn Jón Þór Helgasyni og stóð raunar lengst af betur. 

Af 10 skákum í fyrstu umferð urðu því óvænt úrslit í 7 þeirra og gefur vonandi fyrirheit um skemmtilegt mót framundan. 

Pörun verður gerð næstkomandi fimmtudag og jafnframt er líklegt að við bætist jafnvel sterkur keppandi (ur) áður en það gerist.

úrslit fyrstu umferðar má sjá á chess-results. 

http://chess-results.com/tnr148673.aspx?lan=1&art=2&rd=1&flag=30&wi=821

 

B flokkurinn er sá fjölmennasti frá upphafi en alls eru 21 skráður þar til leiks. Stigahæstur er Guðmundur Agnar Bragason TR og hann byrjaði skákina á fremur auðveldum sigri á Þorsteini Emil sem hafa verið hálf mislagðar hendur undanfarið. 

Úrslitin urðu meira eftir bókinni í B flokki þar sem ekki urðu óvænt úrslit fyrr en á 8. borði þar sem Sólon Siguringason tapaði fyrir Daníel Erni Njarðarsyni. Reyndar má Helgi Svanberg Jónsson hafa talist fremur heppinn þegar andstæðingur hans missti af máthótun Helga. 

Sjá má öll úrslit á sömu síðu og A flokkinn. 

Skákir B flokks má finna hér.